Bahnar

pơk 1(K)[pak(K)](đt): 1- cất tiếng.'' Xŏr Mam pơk ha ‘bơ̆r, rơheng rơhăp 'de kon pơlei ‘lăn păng: ông Xŏr Mam cất tiếng nói, dân làng im thăm thắp lắng nghe. ''2- trả lời bốp chát.'' Yă tơnei pơma minh, pơk mai tơl 'bar: Mẹ chồng nói một lời, nàng dâu xẳng giọng lại hai.''

pơjŭm (KJ)(đt): làm rào quanh. Pơjŭm kơdrong: Làm rào vây quanh.

pơjuer (K)(đt): tránh. x: juer

pơjueng (K)(đt): tránh. x: juer.

pơjuăt (KJ)(đt): 1- làm cho quen. ''Pơjuăt rơmo ăn xa 'boh: Cho bò ăn muối để nó quen chủ''. 2- thân nhau, quen nhau.'' Bre hăp pơjuăt dơ̆ng iĕ: Hai đứa thân nhau từ thơ ấu.''

pơjuă (K)(đt): 1- chà đạp dưới chân. ''Pơjuă 'ba păng rơmo: Ðạp lúa bằng bò. ''2- ép giá. ''Mu bơdro ling chonh pơjuă 'de: Con buôn thường hay ép giá''. 3- ức hiếp.'' 'Bôh tơ’ngla pơdrŏng, pơma pơjuă 'de: Ỷ mình giàu có, ức hiếp người khác.''

pơjuang (KJ)(đt): 1- vây quanh. ''Pơjuang rôp iĕr: Vây quanh để bắt gà. ''2- nói bóng gió, nói ám chỉ. ''Pơma pơjuang, wă kơ 'de wao kơdih: Nói bóng gió, để người ta tự tìm hiểu.''

pơ'juah (K)(trt): ăn hết, ăn sạch. Xa pơ'juah 'nhăm : Aên hết sạch thịt.

pơjrŭ (K)(trt): làm cho sâu.Xir pơjrŭ xơlŭng wă tah hla 'duih: Ðào hố sâu thêm để đổ rác.

pơjruh (K)(trt): 1- bớt.'' 'Long kơjung deh iăl, e koh pơjruh biơ̆: Cây quá dài, phải tề bớt chút. ''2- hạ thấp xuống.'' Ih pơnah tơhlŏng jat, pơjruh iă: Anh bắn trật lên trên, hạ tầm bắn xuống chút. ''3- khiêm tốn.'' Pơma pơjruh: Aên nói khiêm tốn. Pơjruh po: Tự hạ.''